القرآن الكريم افلام العاب pc دليل مواقع تحميل صور
حواء يوتيوب العاب فلاش صور توبيكات
 
آخر 10 مشاركات : أبعلٍن جِنونيُ • وُش نلِت مٍن " عآٍلم آلعقآلً " !! (الكاتـب : - )           »          【« إحسآسْ مُوَ گل البٌشْرَ يفهُمه »】 (الكاتـب : - )           »          يآأإولد صب الذبيحه واذبح القهوه .؟!؟ (الكاتـب : - )           »          عقب تكريمه.. المالكي ينتقد جمعيات الثقافة ويطالب بنقابة للفنانين ومعهد للفنون (الكاتـب : - آخر مشاركة : - )           »          يامـََــَن ودااُع ـه كانــًهـ مٌواادع االـرًًوحـ ,,, (الكاتـب : - )           »          اغنية كاااااااااااااااااااااااااااس العااااااااااااالم بالعربي (الكاتـب : - آخر مشاركة : - )           »          سـ ج ـل حضورك الرياضي بأحـد أسماء اللاعبـين في العالم.!! (الكاتـب : - آخر مشاركة : - )           »          شيخ يفتي بجواز معصية الله بشروط 5‎ (الكاتـب : - آخر مشاركة : - )           »          علامات تدلكم على حالتكم الصحيه (الكاتـب : - آخر مشاركة : - )           »          برنامج عربى للطب البديل (الكاتـب : - آخر مشاركة : - )
 
 

العودة   منتديات مناحي > منتديات مناحي الأدبية > مجلس همس القوافي > الديوان الشعري

موضوع مغلق
 
LinkBack أدوات الموضوع انواع عرض الموضوع
قديم منذ /08-04-2009, 09:25 PM   #1

عضـو V.I.P

 
الصورة الرمزية لحن الحياة

لحن الحياة غير متواجد حالياً

 رقم العضوية : 2775
 تاريخ التسجيل : Aug 2008
 المكان : !!بين النجوم!!
 المشاركات : 6,980
 SMS :

 MMS :

MMS ~

مزاجي:
16 مطلق النومسي









إلى كل محبين وعشاق



الشاعر/ مطلق النومسي



أضع بين أيديكم ديوان يحوي جميع قصائده
مع اصدق التمنيات بسهولة إيجاد مبتغاكم من القصائد,,





القصائد:


1-سنه مرت على خير

2_ يا أخوي
3-نوت

4- مسيت بالخير
5-متوجه للقاهره
6-خذها على جبهتك

7-الثور

8-هلوسه وارتجاج

9_ سلطان

10_ الدوحه

11_ جابر مات

12_ الاقلام النسائية

13_ يافاتنة مطلق
14_ آفة الذوبان
15_ يامحلا طاروق الدحه
16_ آخر رصاصه
17_ خذني غلا

18_ عتاب الإنهزام

19_ لبيه
20_ دامك ولا شيئ
21_ اللي عليه الغنج
22- ضحكي بيديك
23- يا غالية
24- الشوق جاير







التوقيع

التعديل الأخير تم بواسطة لحن الحياة ; 08-05-2009 الساعة 03:39 PM
 
قديم منذ /08-05-2009, 12:06 AM   #2

عضـو V.I.P

 
الصورة الرمزية لحن الحياة

لحن الحياة غير متواجد حالياً

 رقم العضوية : 2775
 تاريخ التسجيل : Aug 2008
 المكان : !!بين النجوم!!
 المشاركات : 6,980
 SMS :

 MMS :

MMS ~

مزاجي:
افتراضي



1- سنه مرت على خير
سنـة مرت ومـرت على خيـر
سنه تعد الفارقه فـي زمـاني


ليالها غير ودفا ايامها غير
والروح فيها غير والقلب ثاني

كانـت كبيرة والغلا توه صغير
توه حديث العمر والعمر فـاني

والثانيه جتني تسوق التباشير
وهذا بداية ليلها الاولانـي

ابشعل شعر وشموع وتعابير
وعـده اقربلي من اقرب اخواني

حفلة عبث تلقي جميع المحاذير
تشرب عبثها من هدوء الاغاني

لعيون من جاني وانا جيته مغير
لو انـي مدري كيف جيته وجاني

منه المشاوير وعليه المشاوير
الفاتن اللي في عيونه رمانـي

ياحيلة الله يالرموش المفاتير
رمشأ تذكرني ورمش نساني

لو كان شافه جدنا سالم الزير
ماكان يقوي هالغنى والاغواني

الزين مايحتاج والعقـل تنوير
والغنج ميزت لونه الاقحوانـي

يوم الحيا طبق عليه المعابير
تشهد ومات بحياه وحيانـي

حيا ومنظوم الدلع والله يجير
اليا طرالي هرجه الزعفرانـي

لا قلت قرب قال عيب مايصير
ولا قلت بعد قال مابي وماني

لا قلت طيب حلها قال بكير
ولا قلت وينك اشر وقال كاني

كاني وكاني ولاادري وينلكنها يشير

على ماعليم الظلوع المحاني







التوقيع
 
قديم منذ /08-05-2009, 12:09 AM   #3

عضـو V.I.P

 
الصورة الرمزية لحن الحياة

لحن الحياة غير متواجد حالياً

 رقم العضوية : 2775
 تاريخ التسجيل : Aug 2008
 المكان : !!بين النجوم!!
 المشاركات : 6,980
 SMS :

 MMS :

MMS ~

مزاجي:
افتراضي


2- يا أخوي

يا أخوي يا اللي ما أنجبته أمي ولا جابه أبي
لكنه أقرب بالغلا من جملة إخوان الدما

لو إن بني عمي يحسبونك حساب الأجنبي
أنا أشهد إنك بين أبوي وبين جدي كلما

تبصرت نفسي بفعلك قلت يا دين النبي
أنا أشهد إن جدك زعيم ومن سلالات زعما

معرب ساسك وأنا يا الظفر دمي يعربي
لا حس في ضيقة خويه ضاق عرقه وإنتمى

من بيننا رفقة يتعرب طيبها مية صبي
أرداهم اللي طايل شبره وبأخلاقه سما

رفقة على وضح النقا ماهي مصالح ويهي
اللي على درب المصالح ساق دمه وإنتمى

تحشم لحانا وشنبك يكرم ومحشوم شنبي
عن رفقة القلب الدهيم اللي نواياه دهما

أفخر بطيبك مثل ما أفخر في عظامة منسبي
وإن حل طاريك طرى هداج قطاع الظما

والله ما أدري وش سبب هالحال لو كان سببي
يعني تقل جاهل حضر درس علماء عند علماء

تعبث الريح بسنى ناري بعد قل حطبي
وشح المزن بالماء وأنا ماني برجوى غير ماء

حتى صرخ عقلي على قلبي ونادى ياغبي
ما للسنون البيض هيبة غير بعروق الجما

لكن تشربت الضياع اللي سبى حالي سبي
ضياع والله يا ولد مشيت له مشية عما

أقرأ ضياعي وأكتبه من منكبي لمنكبي
وأرد وأمسح ماكتبته وأتجاهل طالما

تشبه نهاية ضيعتي نهاية الداء الوبي
أستوجب إستغلال فرصة حظ وقتي لو زما

وأرمي ظلال الظبي وأتعشى من جنوب الظبي
و مارميت إذا رميت ولكن المولى رما

تعبان والله يا ولد والموت لو طال تعبي
مالي ورى نار الحمى إلا جمر نار الحمى

هذي أحوالي وذا وضعي وجيتك يا صبي
أشكى وأسوق العذر وأقبل ما تقوله إنما

لايضيق بي مذهبك تكفى وإنت خابر مذهبي
ماضاق لو ضاقت علي الأرض وأبراج السما

ولازم تعرف إنك ولو ماجيت من أمي وأبي
محسوب أقرب بالغلا من جملة أخوان الدما








التوقيع
 
قديم منذ /08-05-2009, 12:10 AM   #4

عضـو V.I.P

 
الصورة الرمزية لحن الحياة

لحن الحياة غير متواجد حالياً

 رقم العضوية : 2775
 تاريخ التسجيل : Aug 2008
 المكان : !!بين النجوم!!
 المشاركات : 6,980
 SMS :

 MMS :

MMS ~

مزاجي:
افتراضي



3- نوت

يامويس سلم لي على المترفه نوت
سلم عليها علني من فداها

نوت الغلا نوت الحلا شجرة التوت
اللي عيون المسك تسقي ثراها

لايابعد من تلبس الجنز والكوت
اللي تبين في كعبها خطاها

بنت الرجال اللي لهم فعل مثبوت
أهل البيوت اللي يذري ذراها

سمية اللي دونها السيف والموت
ورجال يرفع صيتها مستواها

يمويس والله بالغلا منت مبخوت
راحت به اللي مايليق لسواها

الله عطاها والغلا بي منحوت
لا تلومني مادام ربي عطاها

حورية العينين مبحوحة الصوت
وتزعل الرمان حمرة شفاها

لاجت جينا كلنا شعب وبشوت
وإن روحت رحنا ندوهج وراها

ياناس والله لو تقرب لكم نوت
تدرون وش يعني غلاي وغلاها








التوقيع
 
قديم منذ /08-05-2009, 12:12 AM   #5

عضـو V.I.P

 
الصورة الرمزية لحن الحياة

لحن الحياة غير متواجد حالياً

 رقم العضوية : 2775
 تاريخ التسجيل : Aug 2008
 المكان : !!بين النجوم!!
 المشاركات : 6,980
 SMS :

 MMS :

MMS ~

مزاجي:
افتراضي


4- مسيت بالخير

مسيت بالخير يوم الخير مسى بك
ياللى عليك المسا بالصبح يجمعني

هذي حقيقة كشفها الوقت بأسبابك
يامن على وصلك الأقدار تدفعني

أبطيت في جيك وأسرفت ب غيابك
وعلقتني بين تاصلني وتقطعني

أعوام متناحره وأعوام تتشابك
والحظ يقطع كلامي قبل يسمعني

لين إعترف بالخطا يوم الهوى جابك
وقبلت عذره قبل بالعذر يقنعني

مانيب فاضي ياكود ل هوسة أهدابك
دعني فديتك أحلل هوسته دعني

طابت ليالي هدبك ب ريق عنابك
قدام لا أجوع له مفروض يشبعني

يا عين جدي عسى ما صابني صابك
قول إيه لو كذب منك الكذب ينفعني

راضي وأحبك وأشيل الحب لأحبابك
وأنت إخذني فوق قاع العشق وإزرعني

يمكن تماديت لكن راجع حسابك
وتشووف كيف أنت تنزل بي وترفعني

أوآه يوم أسمع الونة ورا بابك
أحس فيها هنيا حيل توجعني

حالة لها وقت تذبحني وتحيا بك
وأنا ولا أدري من المقصود والمعني

بس أنت تدري وش اللى سبب إعجابك
وتدري وش اللى عن التلميح يمنعني

كان السبب يوم أشوف الوصل ب غيابك
يوم إن خيالك يفرقني ويجمعني








التوقيع
 
قديم منذ /08-05-2009, 12:14 AM   #6

عضـو V.I.P

 
الصورة الرمزية لحن الحياة

لحن الحياة غير متواجد حالياً

 رقم العضوية : 2775
 تاريخ التسجيل : Aug 2008
 المكان : !!بين النجوم!!
 المشاركات : 6,980
 SMS :

 MMS :

MMS ~

مزاجي:
افتراضي


5- متوجهه القاهره

الشعر وهبة وزعت بين الخلايق والبشر
مقسمه بين القلوب المذنبة والطاهرة

الشعر منهج فلسفه بين المحانى والفكر
ضرب إتفاق ويبتدى سرى وعقب مجاهره

الشعر مزج من الثقافه والفراسة والعبر
فيه النوايا تختلف الباطنة والظاهرة

الشعر خبث الثعلب اللى جده من أمه نمر
خبث ودهاء ويعشق السيف ويقدس شاهره

الشعر أبرد من بلاد الروس فى وقت الفجر
وأحر من صحرا النفود أم الشموس الصاهره

الشعر أثقل لا وزنته من جلاميد الحجر
وأخف من كلمة شرف مرت لسان العاهره

الشعر ماهو صبغة الدفتر من إنزاف الحبر
الشعر متعة للعقول المبدعة والباهره

واللى ماهو شاعر ماهو لازم يطول بالسهر
ويترك حديث الدمع لأهداب العيون الساهره

لاصار بيته لا بغى يبنيه ياخذ له شهر
يحجز على أول طايرة متوجهة للقاهرة









التوقيع
 
قديم منذ /08-05-2009, 12:25 AM   #7

عضـو V.I.P

 
الصورة الرمزية لحن الحياة

لحن الحياة غير متواجد حالياً

 رقم العضوية : 2775
 تاريخ التسجيل : Aug 2008
 المكان : !!بين النجوم!!
 المشاركات : 6,980
 SMS :

 MMS :

MMS ~

مزاجي:
افتراضي


6- خذها على جبهتك

ياشي مالك شي دامك ولاشـي
ومقابـل اللاشـي والله غميـضـه


سكرت أذاني عن صدى المنطق السي
وقلـت اتجمـل والجمالـه فريضـه

حاولت اعزك مير عيٍ ولد عي
والعـي ناقـص والمراجـل نقيضـه

ياوي من وقت التعاجيب يـاوي
اثر القلوب بشوف زولـي مريضـه

خذها على جبهتك خذها كما هي
وتعرف وش كبر الشعيب ومفيضه

الاوله تنجض علـى قلبـك النـي
والثانيـه نيـه ونفسـك نجيضـه

ترى اليهودي نجس وينجس شوي
لاصار جدانـه قبيلـة قريضـه

ياللي خذيت الميت فـي زلة الحي
ذبح السلوقي ماينجي عضيضه

ولا صار مالك من جبال اليمن في
وشلون تطمع بالشمال ومقيضه

سمعت راغب قال يمّـاي يابـي
بس انت ماتسمع وش يقول عيضه

يقول متن طويق يسند جبل طي
والبغض واجب للوجيه البغيضه

افهم يمال الهشل والضعف واللي
وحاول تبرق بالخطوط العريضه

وان مافهمت آخر عـلاجٍ لك الكي
يابا العيون الناعسات الغضيضه

وبكره تجي محقور وتقبل يدي
واقول بدري والحضيضه حضيضه

ياشي والله بالحقيقه ولاشـي
حتى ولاشي اعتبرها غميـه










التوقيع
 
قديم منذ /08-05-2009, 11:30 AM   #8

عضـو V.I.P

 
الصورة الرمزية لحن الحياة

لحن الحياة غير متواجد حالياً

 رقم العضوية : 2775
 تاريخ التسجيل : Aug 2008
 المكان : !!بين النجوم!!
 المشاركات : 6,980
 SMS :

 MMS :

MMS ~

مزاجي:
افتراضي


7- الثور

الصمت في بعض المواقيف منكور
والحكي في نفس المواقيف خيره

ماللصبر داعي الياوصلت الزور
كف البليد اللي مضيع مسيره

اللي على الصحبه معه كنت مجبور
زميل درس وقبلها حق جيره

من جانبي صحبه بها العز مذكور
ومن جانبه صحبة مصالح حقيره

كم لي وأنا اطوف له سنين وشهور
واقول اخيره بس وين الأخيره

وان كبر الزله علي قلت معذور
صاحب ويمزح والكبيره صغيره

الين خلى الدم في قلبي يفور
الهافي اللي مهفي الله ضميره

دستور ياعصر الحضارات دستور
أنا اشهد انك ملت ميله كبيره

خليت واحد مثل هالنذل منصور
يجرى على قول العلوم الخطيره

يقول لي هكري ومن هكرة الزور
ولا لنا بين العرب أي سيره

هكري بعينك لعنبو عين هالثور
ياثور حنا اللي حكمنا الجزيره

من العراق إلين عرعر وابو القور
لطريف لديار الشريف الشهيره

للشام ل لبنان واستكمل الدور
لنجد لديار الكويت وقصيره

حكام من حكام والسيف مشهور
من دم جدانك نخضب جفيره

عيال وايل مابنا راس محقور
روس الرجال اهل الوجيه السفيره

عيال وايل عز من بات مقهور
يصبح بعز مايبي عز غيره

صقور صيد وصيدنا كله صقور
يازين صيدات الصقور المغيره

لنا على دار الفخر عرش وقصور
وانشد وتلقى العلم في كل ديره

شجعان خلقه والشجاعه لنا سور
والشاهد الله والسيوف الشطيره

رضيعنا يسوى ثمانين طابور
من مثل جنسك يامخاشر منيره

من مثلنا ياناقص العقل والشور
حتى الذي مثلك يزود صفيره

هذا وانا ماقول بالعالم قصور
الطيبه في كل قوم وعشيره

مير انت ناقص وابن ناقص ومحقور
واخف عندي من قشور الشعيره

لكن ترى ماقال راكان مخبور
الهرج يكفي صامله عن كثيره

ياثور يابن الثور يارباية الثور
اترك بني وايل ورح للحضيره








التوقيع
 
قديم منذ /08-05-2009, 11:32 AM   #9

عضـو V.I.P

 
الصورة الرمزية لحن الحياة

لحن الحياة غير متواجد حالياً

 رقم العضوية : 2775
 تاريخ التسجيل : Aug 2008
 المكان : !!بين النجوم!!
 المشاركات : 6,980
 SMS :

 MMS :

MMS ~

مزاجي:
افتراضي


8- هلوسه و ارتجاج

ضحكي بيديك ودمعتي برضو نواصيها بيديك
تقدر تضحكني وتبكيني وتلحق مشتهاك

الله عطاك وسلمك أمري وأمري محتويك
إحفظ حقوقي وإلطف ب حالى بعد ما الله عطاك

العفو عند المقدرة والعدل شيمة والديك
وأنا ولد هادي معك وأكبر مشاغب من وراك

هنا آتفرق منك وهناك اجتمع وآذوب فيك
والخوف جايز من هنا والموت حتمي من هناك

وأكبر دليل إني ليا حاولت يوم أزعل عليك
لقيت قلبي كل ما يزعل يدور عن رضاك

وإذاك تذكر يوم كنا بين أجيك أو ما اجيك
وشلون قلبي كسر الرهبة تحت صدري وجاك

ماجاك يهلك في نجاتك جاك ينجى بك هليك
لن النجاة بما تنص اللائحة عندك هلاك

ياللى هلاكك مبتكر على نظام الهدروليك
مهما يكن حجم الألم يمنع وجود الإرتباك

لبا الهلاك اللي كذا يوم انتهي به وأبتديك
وألقى نظام الطيش يرسمني على فوضة صبااك

وأنا ولا أدري لبه أنا أظما لك وأنا أقدر أرتويك
تدري أقولك شي أحلا شي يوم أروى ظماك

أبيك ياعمري وإذا ما تعجبك كلمة أبيك
خذها ب لهجة ساكنيين دبي ياعمري أباك

يكفيك لامن غبت مالك إسم غير إسم المليك
وإن جيت عقب غياب مالك إسم غير إسم الملاك

حشمة غلا وإلا غلا حشمة وذيك تعز ذيك
غلاك يفضح حشمتك وبحشمتك يستر غلاك

يا قبلة الله كل ما أتخيل تقوس حاجبيك
لاطارت عيونك عجب وأغضيت من زايد حياك

أفقد وجود الجاذبية وأرتفع لك هيك هيك
وأطلع بعد أكثر وأكثر لين تحضني سماك

وألقى سماك تلفني من حول كوكب ناظريك
وأسمع مماليك الكسل تفخر ب عهد الإمتلاك

حالة تجرد وإرتجاج وهلوسة تنسب إليك
أما أتحملها عنك وإلا أتحملها معاك

مع إن مالي ذنب بس أقول يرضى لي عليك
الله يسعد لي صباحك قبل يسعد لي مساك

شفت إن ربي سلمك أمري ولا لك أي شريك
إلا أنت وعيونك وخدينك وتذويبة شفاك








التوقيع
 
قديم منذ /08-05-2009, 11:34 AM   #10

عضـو V.I.P

 
الصورة الرمزية لحن الحياة

لحن الحياة غير متواجد حالياً

 رقم العضوية : 2775
 تاريخ التسجيل : Aug 2008
 المكان : !!بين النجوم!!
 المشاركات : 6,980
 SMS :

 MMS :

MMS ~

مزاجي:
افتراضي


9- سلطان

سلطان أنا وجهك ووجهك مراتي
وأنا أدري إنك من غيابي تضايقت


وأنا حضوري فيك وأكبر غناتي
إنك ل طلة وجه مطلق تشفقت

وإنك تخاف إني أصالح عداتي
وإني ل تعسيل السواليف صدقت

لا يا ابن عمي لالا وإسمع للآتي
دامي شربت الكيف الأشقر وروقت

سلطان شفني فوقهم لاتحاتي
وشفني على متون الكواكب تسلقت

نسجت من خيط المعزة عباتي
وب دهن عود النجم الأوحد تعرقت

والناس لو تقدر تسوي سواتي
ما شفتني يا ولد عمي تفوقت

ذي تونس الخضرا وأنا أكبر زناتي
جمعتهم تحت وطلعت وتفرقت

حتي خذا لون الفضا لون ذاتي
وطلبني أغيب نجومه ووافقت

فإن شفت داخن عودهم ب جمراتي
أحرقتهم من قرب ولا تحرقت

وإن شفتهم يبوني أقطع صلاتي
حجيت بيت الله وصمت وتصدقت

وإن شفتهم يبوني أفقد ثباتي
غديت مثل طويق ولا تطوقت

فلا يزعلك سلطان كثر إلتفاتي
إزعل علي لو شفتني يوم دنقت

عن مدة البندق تكفي عصاتي
ولو إنهم كفو البنادق تبندقت

وإن شفتني ساكت وطول سكاتي
تأكد إن المسئلة مسئلة وقت








التوقيع
 
موضوع مغلق

مواقع النشر (المفضلة)

الكلمات الدلالية (Tags)
النومسي, ديوان مطلق النومسي, ديوان شعري, شعر مطلق, شعر النومسي, قصايد مكتوبه, قصايد النومسي, قصائد مكتوبه ، ديوان مطلق, قصائد النومسي

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
لماذا أطلق عليه أسم ضرس العقل ؟ جً ــــًــًرًح اًلـً غً ـًلا المنتدى العام 4 03-03-2008 04:48 PM


الساعة الآن 05:52 AM.


Powered by vBulletin® Version 3.8.3
Copyright ©2000 - 2010, Jelsoft Enterprises Ltd
جميع الحقوق محفوظه لمنتديات مناحي

Loading...

Content Relevant URLs by vBSEO 3.3.0