تجيني طيف يا عمري على جنحان شوقي لـك . .. . اخاف ارمش من عيوني وابعثر صوره وصالك
حبيبي لا تجيني قول وين انت وانا اجي لـك . .
. . ابيك تقول وين انت وعلى عيوني انا اسعالـك
وربي فوق روس الشوك لخلي القلب يمشي لك . .
. . واخلي ظلالي يسبقني قبل يحضنـي منزالـك
ثواني بس ابتهندم من عيونـك وبهـدي لـك . .
. . في عينك ضحكت(ن) حتى تكحل عين عذالـك
يقولوا الناس بغيابي تشب القلب ويضوي لـك . .
. . حنيني ومن وهج شوقه يميل القلـب لا مالـك
قضى دمعي من عيوني ابي من عينك ابكي لك . .
. . ابنثر من ورى عيوني دموع عيـون ترحالـك
وحتى الشوق من صبح الدرايش قام يهدي لك . .
. . عصافير الرضى ترفرف على بيبـان مدخالـك
هنا ترمي صباح الخير قبل لا تروح وادعي لك . .
. . وهنا تضوى مساء الخير في عيني من هلالـك
انا من الليل يقطفني شعوري لك واغنـي لـك . .
. . انا من الصبح يليلني الحزن من لـون موالـك
حرام الليل ماهو ليل اذا ما كنـت فـي ليلـك . .
. . وحرام الصبح ماهو صبح اذا ماكنت بظلالـك
تروح وقلت احط عمري على كفي وانادي لـك . .
. . نزعت العمر من شفت الغلا بالـروح نادالـك
وربك قول وش سوى الفراق بوجـه منديلـك . .
. . تسيل الوان طيفي فيه الامـن البكـى سالـك
(( حبيبي لا يبكيك الفـراق ولا يهـد حيلـك . .
. . اخاف الدمع من عينك يجفف صورتي ببالك ))
تعال احتاج اسولفلك عـن الايـام واشكيلـك . .
. . وافض غيم الحزن وانثر حنين الشوق بقبالـك
تعال وحط في قلبي همـوم الفرقـى واشيلـك . .
. . لان القلب ماهو قلب اذا في نبضه مـا شالـك
قضى دمعي من عيوني ابي من عينك ابكيلـك . .
. . اخاف ابكي على طيفك وابعثر جيه وصالـك}
المواضيع المتشابهه
حبيبي.! لايبكيك [الفراق].!!ولـآ يهد حيلكــ
هع
العرض العادي
