بخطوات سريعه يجري الأسد إلى المنطقه الشماليه من الغابه ناوياً الحيوانات طالباً حرش .. كان شبعان أكل .. شبعان نوم .. شعبان عبدالرحيم .. كان مابراسه إلا محارش في حيوانات الغابه الله يعزكم .. اثناء تجوله سمع صوت خرفشه من خلف الأشجار مع صوت همس وقال : اخلص علي يخوي أنت يا جون لوك يا كيت وحده من الثنتين الله يمصلك .. خرج من خلف الأشجار حمار وحش معتق بأسود .. استغرب الأسد من خروج حمار الوحش من أمامه دون ان يلقي السلام أو ان يقوله مسيك بالخير يا طويل العمر وكأن لسان حاله يقول تراك ما قمت عندي ولا قعدت .. تعداه الحمار ثم زأر الأسد بوجهه زأره أليمه وقاله يخوي ليه أنت كذا ما تهابني ؟ هذا وأنا ملك الغابه ومهجدكم !! .. الحمار : والله مدري وش أقولك يا طويل العمر .. لكن بصراحه أنا مستحي منك ومدري وش أقولك .. استغرب الأسد من كلام الحمار وصار فوق راسه علامة إستفهام !! .. الأسد : أبيك تعلمني وش فيك بالضبط وليه مستحي مني ؟ .. الحمار : والله يا طويل العمر أول شي لا تقولي يا حمار منب أصغر عيالك .. ثاني شي احترمني تراني حيوان مثلك وكبر أبوك ! .. ابتسم الأسد وقال : مستانس الحين يوم حنا حيوانات ؟! .. زاد إستغراب الأسد وايقن ان هناك شي كبير حصل بالغابه هو ما يدري عنه .. ولا من متى حيوانات الغابه يزعطون على ملك الغابه ! هذا ملك غابه يا تعبان موب بسيط ! .. مسك الأسد رقبة الحمار وقاله : أسمع يبوي بتعلمني وش فيك ولا بلعن خامسك هنا ؟! .. قمط الحمار وقال : أبشر أبشر .. السالفه ومافيها يا طويل العمر ان حيوانات الغابه مطلعين إشاعه عليك وكلام قوي وأنا اقولهم يا شباب استهدوا بالله ترا هالكلام أكيد انه كذب وإشاعه ! وإلا ملك غابه يا طويل العمر وتنكسر عينه من فرس نهر وتصير بينهم علاقه غير شرعيه ؟ هل يعقل ذالك يا طويل العمر ؟ هل يعقل بالله عليك ؟ .. ضحك الأسد وكأن الأمر لا يعنيه وقال : باللهي علمني من الزاحف اللي قالك هالكلام الله يرجه بس ؟ " قالها وهو ينغز الحمار مع خصره يعنني الوضع فري و شبابي " قال الحمار: شف يا طويل العمر أنا بعلمك منهو بس بصلاة أمك وأبوك ما تروح تقوله شي ! .. الأسد : وش اللي ما تروح تقوله حركات البزران ذي خلها عنك بعدين وش اللي بصلاة أمي وأبوي ؟ أنت تدري ان أهلي كفار ما يصلون ليش تقولها ولا يقالك بتحرجني الحين ؟ .. تعتع الحمار وقال : مدري والله سمعت انكم اسلمتوا على يد باكستاني دين بحي الشفا .. بصراحه بصراحه اللي قالي الثعلب ! بس يمكن كان قصده مزح الله وأعلم ان كنت بحلم .. إلا صحيح هل بينك وبين فرس النهر شي يا طويل العمر ؟ زأر الأسد مره أخرى بصوت عال ومسك رقبة الحمار وتلها بأنيابه وتفله على الأرض متقطعا .
* الفصل الثاني :
بخطوات سريعه يجري الأسد نحو المنطقة الشمال شرقيه من الغابه ناوياً الثعلب .. وصل بيت الثعلب وطق الجرس وردت عليه زوجة الثعلب عن طريق جهاز الأنتركوم وقالت : مييييييين ع الباب ؟ .. أنا الأسد ! .. اهلن بيك يالأسد ايش تبغى ؟ .. ابغى زوجك الثعلب عسى الله لا يهينه ! .. ايش الله لا يهينه بتقول قصيده انتا ايش تبغا بيه بسورعه ؟ .. ابغاه بموضوع ضروري ياوخيتي ! .. ايش هوا الموضوع الضروري اللي تبغاه فيه ؟ .. ياليييييل التبن ايش وايش يا بنت الحلال افتحي الباب بس وأنا أروح له بنفسي لغرفته ماعندي مشكله !! .. وي وي وي خير إن شاء الله ناوي تخوش البيت كدا من غير أحم ولا دستور؟! .. طيب خلاص خليه يجي أجل ! .. علمني ايش الموضوع بالزبط لا يكون متسلف منك وما قلي ! .. لا لا يخوتس والله ما تسلف مني ولا قرش خليه يجي بس ابغاه ضروري بموضوع يخص الجهاز الأمني بالغابة ! .. تيب تيب انا حروح اصحيه من النوم ... ابتعد الأسد خطوتين عن عتبة الباب وجلس مبوبز وطق له زقاره واخذ له نفس على بال ما ينزله الثعلب .. نزل الثعلب للأسد " الكاتب مستعجل بقوه هههههههههههههه " .. هلا فيه شي ؟ تراك مزعجني ومصحيني من النوم بعدين أسمعك تاخذ وتعطي مع الحرمه ما تستحي على وجهك أنت ما عندك حريم ؟! .. الأسد : يخوي أنا حيوان ما أعرست للحين لا تقعد تقولي حريم وما حريم .. الثعلب : ليه ما أعرست هذا وأنت ملك الغابة وما ناقصك شي ما شاء الله ؟! .. الأسد : هههههههههههههه يخوي الله يخلي لنا جسر الملك فهد الزبده تعال لنتمشى سوياً بكلمك بشغله .
ابتعد الأسد بالثعلب مسافة بعيده .. ثم اخرج المسدس وحطه على جبهته وقال : احلف بالله أنك ما طلعت كلام علي ؟! .. الثعلب ارتبك وقال : أقسم بالله ما قلت شي عنك مجنون أنت أحد يتكلم على ملك الغابة وتاج راسنا كل ابونا !! .. الأسد : طيب وراك قبل شوي تهايط علي قدام الحرمه ؟ هذي حركاتكم يالزلايب هههههههههههه تهايط قدامها ولا أنت لو شفت قطو اخترشت الزبده أنا رجال بذبحك قصدي حيوان بذبحك .. الثعلب : لاااااااا لاااااااا أرجوووووك لدي أطفال ! .. ضحك الأسد وقال الله يلعنك من اي فلم سامعها ؟ " طرااااااااخ " .. وقع الثعلب على دمجته والدمان تخرخر فاقداً الحياة .
* الفصل الثالث :
بخطوات سريعه يجري الأسد إلى المنطقه الجنوبيه من الغابه باحثاً عن فرس النهر .. بعد وصوله إلى البحيره اللي يتبطح بها ابو نهر كل عصريه .. الأسد : بالخير يبو نهر تعال اطلع أبيك بكلمة راس !! .. فرس النهر : يا كينق موب وقته الله يطولي بعمرك الحين أنا في قمة الإنسجام مع حمامي خلني تراني مروق الله يرحم شيبانك !! .. الأسد : يخوي منب مطول كلها دقيقتين وحنا خالصين !! .. فرس النهر : هالمره تبيها وقافي يا طويل العمر ؟! .. الأسد : أأأأص أأأأص لا تفضحنا الله يفضح ابليس !! .. فرس النهر : استحيت يا عمري ؟؟ .. الأسد : لا يخوي بس مالها داعي يدرون الغابه اني أسد ومبسبس ساعتها وين اودي راسي بين العربان !!
ذهب الأسد وفرس النهر خلف أحد الأشجار .. الأسد : يخوي أنت قايل لأحد عن علاقتنا ؟ قسم بالله اني صرت اخاف من وضعنا ؟؟ .. فرس النهر : يا قلبي لا تخاف والله محد يدري ليش أحد قالك شي ؟ علمني بس وأنا اوريك فيه الشغل ؟؟ .. الأسد : إيه يخوي اليوم جايني حمار الوحش يتميلح ويقول سمعت ان بينكم علاقه غير شرعيه !! .. فرس النهر : يا بعد عمري صدقني ما أحد يدري عن اللي بيننا وان سرك في بير يابو كينق أفاااا عليك بس كم أسد مبسبس عندنا ؟! .. الأسد : ريحتني الله يريح قلبك .. يالله تبي شي ؟ .. فرس النهر : وين يا خلفهم بدري تو الناس ما بعد احلوت الجلسه .. الأسد : جلسة عبادي ولا رابح هاهاها لاوالله مستعجل شوي بروح .. فرس النهر : ههههههههههههههههههه يالبى قلبك بس حتى نكتك حلوه مثلك مممممممممووووووااااااه !! ... بعد ان طبع ابو نهر البوسه انصرف ملك الغابه إلى أحد المشاغل النسائيه لكي يضع حلاوه على سيقانه حيث ان فرس النهر قد نقد عليه هالمره بوجود شعيرات اسفل الساق وهالشي ممكن يحوم تسبد ابو نهر وينهي العلاقة اللي بينهم .
* الفصل الرابع :
بخطوات سريعه يجري الأسد وسط الغابه وهو يفكر في الحوار اللي دار بينه وبين فرس النهر واثناء سرحانه تعكرف في جذع شجرة ووقع وصب دمان من ساقه وقعد يصيح وهو يقول دمممممم دمممممم دممممممم .. فجأه خطمت عليه زرافه طويله " اجل فيه زرافه قصيره ههههههههههههههههه والله من الحماقه بالكاتب " .. الزرافه : دم دم دم الساعه كم سلامات يا طويل العمر وش جاك ؟ .. " الأسد وهو يمسح دموعه ويقاله ما صار شي " ابد والله كنت الحس ساقي تخبر الواحد لازم يتنظف من حين الى آخر .. الزرافه : اها تبي شي ؟ .. الأسد : ابد سلامتك .. الزرافه : أوكي برب .. الأسد : تيت .
لم يكن يعلم ملك الغابة ان وضعه خطير جداً وكل ماله يزيد سوء .. وممكن يفقد هيبته أمام حيوانات الغابه لو عرف أحد منهم انه مبسبس .. وإحتمال لو دروا عنه مجلس الأمة قد يتسبب في موقف محرج وايقاف راتبه الشهري .. وبكذا كيف راح يقدر يسدد باقي اقساط الكامري .
* الفصل الخامس :
بخطوات سريعه يجري الأسد ثم يقف عند احدى انهار الغابة لكي يشرب ماء .. وهو منزل راسه ويشرب قعد يطالع بوجهه اللي يعكس على النهر ويردد مع نفسه يا ترا ليه انا وضعي كذا !! متى بصلح اخطائي اللي ارتكبتها بحقي وبحق الإنسانيه .. ولاصح منب انسان ميخالف هههههههههههههههه لا صدق مصيري يجي بكرا واليوم اللي ما حسبت له حساب ويكون كل أهل الغابه يدرون اني موب رجال .. يااااااااوك يا قوي الكلمه قوياااااااه .. بس أنا شجاع وقوي ولا أهاب اطلق شنب بالغابة رغم ذالك مبسبس ... هههههههههههههههههههههههه الله يغربل شيطانك اثرك مبسبس لعن الله ابو هالشارب وحنا اللي نحسبك رجال كفو تقود حيوانات الغابة " كان ذالك من ضفدع حقير منفخن خديداته فوق ورقة شجر تطفو بالماء " .. الأسد : أنت سمعت الحوار اللي دار مع نفسي ؟ .. الصفدع : يا دار لاهنتي ولاهان راعيك ههههههههههههههه ايه يخوي سمعت الحوار وطاح الفاس بالراس وعرفت أنك مبسبس يالرخمه !! .. الأسد : لا تقولي مبسبس !! .. الضفدع : أجل وش تبيني أقول رجال مثلاً ؟ يكرمون الرجال !! .. الأسد : يخوي على الأقل قلي يا قي !! .. الضفدع : الحمد لله ع السلامة يا قي من السفر الزبده أنا بروح ابلغ هالمساكين اللي مصدقين أنك ملك الغابة وحامينا !! .. الأسد : لا لا لا تكفى واللي يرحم والديك لا تروح تعلم أحد عن موضوعي يكفي اللي انا فيه !! .. الضفدع : أوكي يابو كينق أنا اقدر ما اعلم أحد بس عندي شروط أبيك تعطيني يور وورد .. الأسد : خلاص تم علمني وش تبي بس وتفكنا من شرك ؟؟ .. الضفدع : أول شي أبيك تجرب الهجران أبيك تروح للنسيان هههههههههههههههه لا صدق أبيك تفتح لنا مدرسة بنات .. أنت تدري ان اقرب مدرسة بنات هي ثانوية السابع والعشرون اللي تبعد عن منطقتنا حول 50 كيلو .. وهالمسافة يخوي اشقتنا واشغلت العالم وخلتنا نخاف على بناتنا من سواقين هالباصات .. ثاني شي أبيك تفتح لنا مستاصف ويكون فيه حاضنه .. بكرا حريمنا يولدون بدري لاسمح الله ونبحل بأعمارنا وندودل ايدينا بدون ما نسوي شي .. ثالث شي والأهم نبيك تسمح وتفتح بار ومراقص وسينما .. يخوك البحرين موب أشطر منا !! .. الأسد : خلصت اللي عندك ولا باقي شي بتقوله ؟ .. الضفدع : ايه خلصت .. الأسد : أول شي يخوي أنا مفكر أفتح مدرسة بنات من مبطي ولا تتوقع اني ناسي هالشي لا والله .. أنت تخبر وضع بناتنا والتعليم من الاشياء اللي تهمني خصوصاً ان اغلب بنات الغابه ما يعرفون لا يقرون ولا يكتبون وهذي مصيبه بحد ذاتها .. وبالنسبه للمستاصف على قولتك .. أنا كلمت مجلس الأمة وقالوا حنا ممكن نوفر لكم كل التجهيزات الخاصه بالمستشفى من معدات وادوات طبية إلخ .. لكن عندنا مشكله معينه في مسألة الدكاتره والأخصائيين .. يعني بالله عليك كل ابونا حيوانات شلون تبي واحد منا يطلع دكتور !! بس أوعدك اني بشوف موضوع المستشفى قريب إن شاء الله .. وبالنسبه للبار والمراقص لا والله معصي ما بقى إلا هي يا قليل الحيا أنت ما تخاف على عيالك من هالاشياء !! .. الضفدع : الله وأكبر نسينا ما كلينا يالشاذ !! .. الأسد : الله لايهينك تكلم معي بأدب تراني إلى الان محترمك عشان شيباتك فحسن ألفاضك معي لو تكرمت !! .. الضفدع : لا يكثير بس .. طيب ما قلت لي عن السينما ؟! .. الأسد : هذي عاد اللي ما عندي إستعداد فيها وخلوكم على التورنت أصرف تراه جيد .. الضفدع : ترا بعلم عليك !! " الأسد مد يده للضفدع " .. الضفدع : وش تبي مادن يدك ؟؟ .. الأسد : سلم يخوي !! .
ما إن مد الضفدع يده للأسد إلا وهو مفغصه تفغيص لين طلع ذاك الشي الأبيض من مخه " خنفسانه موب ضفدع هههههههههههههههههه " .
* الفصل السادس والأخير :
بخطوات سريعه يجري الأسد نحو بحيرة فرس النهر حيث كان في موعد معه .. " فرس النهر وهو منسدح على ظهره وحاطن يدينه فوق كرشته " وراك تأخرت يا عمري حنا ما قلنا الساعه خمس نكون جاهزين ؟؟ .. الأسد : سوري حبيبي بس طار الوقت وأنا مع ضفدع بالغابه كان يهمز رجيلاتي تخبر صاير امشي واجد هاليومين .. فرس النهر : أوكي جاهز يا عمري ؟ .. " الأسد والحيا لاعبن فيه " جاهز يا قلبي جاهز .
وأأأأأأأأأف عندك !! " كان ذلك الرائد يحيى ومعه عسكر وبنادق وهايلوكس 88 غماره ابيض فوقه سفتي وجيب سوزوكي ربع هههههههههههههه شرطة مصر بالعربي " .. الأسد : واللهي بريء يا باشا بريء !! .. الرائد : أركب بس ولايكثر !! .. الأسد : تبيي أركب الحين الحين قدام الناس ذي كلها !! .. الرائد يحيى : يلعن شكلك يا مبسبس ما تخلي عنك حركات البسبسه أركب الدوريه يا حيوان أركب !!
* تم القبض على الأسد وفرس النهر بعد ان تم تلقي بلاغ من هيئة الأمر بالمعروف من فاعل خير يقال انه ولد عم حمار الوحش .
* تم القبض على فرس النهر والحكم عليه بالقصاص .
* تم بناء مدرسة ومستاصف .
* تم حجب جميع مواقع التورنت وفتح سينما في جميع انحاء الغابه .
* تم العثور على جثة حمار الوحش ممزقه تمزيق معلون والدين وسط الغابه .
* تم العثور على الضفدع المفغوص وهو رافع اصبع يده السبابه .
التوقيع
AL-Mousa Mohammed
BACHELOR of Information Technology
AUSTRALIA
At The State Of Queensland
Brisbane
ADDRESS
المواضيع المتشابهه
رخامة ملك الغابه
العرض العادي
