السلام عليكم ورحمه الله وبركاته جميعا .. كل عام وانتم بخير .. ومبارك عليكم الشهر .. وعيدكم مبارك .. وعيدكم الاضحى الجاي مبارك .. وهابي فالنتاين .. وهابي ميل .. ووش علومكم ووش اخباركم .. !! ؟
انتهينا من فاصل علوم المرجله وماشابهها اللي الله ماعطاني فيها ولا اعرف لها ابد ونجي الحين للخنبقه والخثرقه
طبعا الكل عارف ان قسم ((
شله مناحي )) من الاقسام المهمه في هذا المنتدى .. صحيح ان جميع الاقسام مهمه .. لكن
هذا القسم هو منبع غبااء اعضاء المنتدىآ يعني اذا دخلت القسم هذا اترك عقلك براا با المحادثات وتعال هناا.. وطبعا هالقسم مثل ما حنا عارفين من زمان انه يعتمد على المواضيع الموزحكه الي اكثر الاعضاء ينقلونها من منتديات ثانيه .. لاكن بكل بساطه ان صار الموضوع (
اجتماعي ) مثلا وكان خالي من الخبال ... يكون مكانه
مجلس مناحي .. او اذا كان الموضوع المطروح (
نقد لموضوع معين ) وخالي من الخبال .. مكانه فرضا (
دكه مناحي ) وهلم جرى((
ترا ماكتبت الدستور الا عشان هلم جرى ويالله لقيت لها مكان 
))
فاا المطلوب منكم يا اعضاء منتديات مناحي ما نبي مواضيع منقوله يعني نبي نشوف اخبااالكم و رجتكم
فياليت اللي بيكتب موضوع في هالقسم انه يكون عارف هالشي من البدايه .. والي يبي ينزل مواضيع منقوله ما ينزلها من الاساس
ولازم يعرف كذا نقطه عشان يكتمل موضوعه ويكون سليم وفي المكان السليم وعشان مايروح للقراشيع .. او لغيره
النقطه الاولى: محد ينخبل ويدج ويكتب اشياء تمس العقيده (
مجرد تذكير فقط ولا انا عارف انكم منتوب مسوينها
)
النقطه الثانيه : المواضيع السياسيه البحته مانبيها لان لها اماكن محدده .. لاكن مثلا تبي تكتب موضوع عن لبنان واسرائيل بطريقه ساخره مايمنع ذلك .. بس فكونا من السياسيه الداخليه مانبي نتلحط ونقعد ناكل خبز وعدس وشاهي با البن !!
النقطه الثالثه والاهم : المواضيع (
المنقوله ) تروح على طووووول للقراشيع بدون نقاش .. لاننا نقدر وبكل بساطه نروح نقراها في مواقع ثانيه .. او توصلنا على الايميل ونقراها فليش تبثرنا وتنزل لنا موضوع منقول .. وغير كذا حنا منتدى مانبي اشياء منقوله بتكتب شي من راسك وتحاول تبدع حياك الله وصدقني بتلقى من يدعمك
النقطه الرابعه : مواضيع من الي تجيب النوم (
احلى نكته )
و(
اطلق موقف في العالم ) ومن هالمواضيع صدقوني تحرق قيمه الشخص ككاتب .. وتخليه مثله مثل الباقين في المنتديات الثانيه .. وحنا مانبي هالشي لا للمنتدى هذا ولا للكاتب نفسه عشان مايحرق نفسه بنفسه
النقطه الخامسه : بالنسبه لنا كمشرفين مايفرق عندنا الشخص اذا كان عدد ردوده (
1) او عدد ردوده (
3000) الاهم الموضوع ومحتواه وبالتالي مايفرق عندنا (
مدير ) او (
نائب مدير ) او (
عضو نشيط او عضو جديد) او (
من كبار الشخصيات << قل vib وريح نفسك 
) الخ
الخ الخ .. الاهم عندنا هو الكاتب نفسه ومواضيعه وردوده .. لان بالمواضيع والردود هي اللي تخلينا نحكم على الشخص
نقطه مهمه جدا : وهي في حاله الردود .. تخيل انك جالس تكتب موضوع مده اربع ساعات او يوم او يومين .. ونزلت الموضوع وجا واحد ورد عليك برد وكتب لك ((
هههههههههه موضوع حلو يعطيك العافيه )) او كتب (
ههههههههه ياحليلك 
)....ماتلاحظون ان فيها تحطيم لكاتب الموضوع ... !! حط نفسك في مكانه وبتعرف انه تحطيم او لا
لذلك الردود اللي يردون فيها الاشخاص بقصد زياده عدد ردودهم مالها سنع ... لان الجزء اللي يحلي الموضوع ردود الاخيرين .. وصدقوني مثل ما فيه ناس تتابع مواضيع .. ففيه ناس تحب تقرا تعليقات الاخرين وردودهم وكثيرين من هالنوع ..فأتمنى ان تكون الردود بنفس قوة الموضوع
نقطه (
ياكثر نقاطي )
: اللي يتميلح ولا يتوب من كثر مواضيعه الماصله بناخذ موضوعه وبنثبته وبنقعد نذب عليه الين يتوب ويجيب لنا موضوع زي الناس
انتهت تقريبا النقاط المهمه واللي كانت براسي .. وصدقوني الان تقريبا في مرحله لتطوير هذا القسم والتطوير هذا ماراح يجي من المشرفين لحالهم .. لازم مننا كلنا .. واكل العنب حبه حبه ...
المواضيع المتشابهه
[ قوانين ] الرجاء من الحضور ..قراءة الدستوور
العرض العادي
